ஜன. 19 முதல் பள்ளிகள் விடுமுறை?
வெளியாகும் அசத்தல் அறிவிப்பு!
வைரஸ் அச்சுறுத்தல் காரணமாக, வரும் 19 ஆம் தேதி முதல், 10 ஆம் வகுப்பு முதல் 12 ஆம் வகுப்பு வரையிலான மாணவர்களுக்கு விடுமுறை அளிக்க, தமிழக பள்ளிக் கல்வித் துறை திட்டமிட்டு உள்ளதாக தகவல் வெளியாகி உள்ளது.
பள்ளிகள் திறப்பு
தமிழகத்தில், கொரோனா வைரஸ் தொற்றின் இரண்டாவது அலையின் தாக்கம் குறைந்ததற்கு பிறகு, கடந்த செப்டம்பர் மாதம் 1 ஆம் தேதி முதல், பள்ளி, கல்லூரிகள் மாணவர்களின் நலன் கருதி, கொரோனா தடுப்பு நடவடிக்கைகளை பின்பற்றி பள்ளிகள் திறக்கப்பட்டு வகுப்புகள் நடத்தப்பட்டன. இதை அடுத்து நவம்பர் மாதம் 1 ஆம் தேதி முதல் தொடக்கப் பள்ளிகள் திறக்கப்பட்டன.
அச்சுறுத்தும் ஒமைக்ரான்
கடந்த ஜனவரி 3 ஆம் தேதி முதல் பள்ளிகளை வழக்கம் போல் திறக்க திட்டமிட்டிருந்த தமிழக அரசுக்கு, தென் ஆப்பிரிக்க நாட்டில் கண்டறியப்பட்ட ஒமைக்ரான் வைரஸ் தொற்று, புதிய அச்சுறுத்தலை ஏற்படுத்தி உள்ளது. ஒமைக்ரான் பரவல் காரணமாக, தமிழகத்தில் கொரோனா தினசரி பாதிப்பு, 25 ஆயிரத்தை தாண்டி உள்ளது. இதன் காரணமாக, 1 ஆம் வகுப்பு முதல் 9 ஆம் வகுப்பு வரையிலான மாணவர்களுக்கு நேரடி வகுப்புகள் ரத்து செய்யப்பட்டு, ஆன்லைன் வகுப்புகள் நடத்தப்பட்டு வருகின்றன.
ஆன்லைன் வகுப்பு
பொதுத் தேர்வை கருத்தில் கொண்டு, 10 ஆம் வகுப்பு முதல் 12 ஆம் வகுப்பு வரையிலான மாணவர்களுக்கு மட்டும் நேரடி வகுப்புகள் நடத்தப்பட்டு வந்தன. எனினும், கொரோனா பரவல் நாளுக்கு நாள் விஸ்வரூபம் அடைந்து வருகின்றன. இதற்கிடையே இது தொடர்பாக பொது நல வழக்கை விசாரித்த உயர் நீதிமன்றம், பொதுத் தேர்வு எழுத உள்ள மாணவர்களுக்கு நேரடி வகுப்புகளை ரத்து செய்து விட்டு, ஆன்லைன் மூலம் பாடங்களை நடத்தலாம் என தமிழக அரசுக்கு அறிவுரை வழங்கி இருந்தது.
விடுமுறை
இந்நிலையில், 10 ஆம் வகுப்பு முதல் 12 ஆம் வகுப்பு வரையிலான மாணவர்களுக்கு, வரும் 19 ஆம் தேதி முதல் விடுமுறை அளிக்க பள்ளிக் கல்வித் துறை திட்டமிட்டு வருவதாகக் கூறப்படுகிறது. மேலும் ஆன்லைன் முறையில் பாடங்களை நடத்தி முடிக்கவும் திட்டமிடப்பட்டு உள்ளது. இது குறித்த அதிகாரபூர்வ அறிவிப்பு விரைவில் வெளியாகும் என கூறப்படுகிறது. இதற்கிடையே பொதுத் தேர்வு எழுத உள்ள மாணவர்களுக்கு இன்னும் சில நாட்களில் திருப்புதல் தேர்வு நடைபெற உள்ளது குறிப்பிடத்தக்கது.
No comments:
Post a Comment
THANKYOU FR WATCHING MESSAGE