குறைந்த விலையில் வயர்லெஸ் சார்ஜர் இந்தியாவில் அறிமுகம்

ஸ்டப்கூல் நிறுவனம் இந்தியாவில் குறைந்த விலையில் புதிய வயர்லெஸ் சார்ஜரை அறிமுகம் செய்து இருக்கிறது.

ஸ்டப்கூல் நிறுவனம் இந்தியாவில் குறைந்த விலையில் புதிய வயர்லெஸ் சார்ஜரை அறிமுகம் செய்து இருக்கிறது. புதிய வயர்லெஸ் சார்ஜர் WC310 என அழைக்கப்படுகிறது.


அளவில் மிக மெல்லியதாக உருவாக்கப்பட்டு இருக்கும் புதிய வயர்லெஸ் சார்ஜர் அனைத்து வித Qi வசதி கொண்ட சாதனங்களை அதிகபட்சம் 10வாட் திறனில் சார்ஜ் செய்யும் திறன் கொண்டிருக்கிறது.


இதுதவிர இந்த வயர்லெஸ் சார்ஜரில் டெம்பரேச்சர் ப்ரோடெக்ஷன், ஷார்ட் சர்கியூட் ப்ரோடெக்ஷன் உள்ளிட்ட பாதுகாப்பு வசதிகள் வழங்கப்பட்டு உள்ளன. 6.4எம்எம் அளவு கொண்டுள்ள வயர்லெஸ் சார்ஜர் ஸ்மார்ட்போன்களை எந்த கோணத்தில் இருந்தாலும் சார்ஜ் செய்யும்.

ஸ்மார்ட்போன்கள் அதிகபட்சம் 6 எம்எம் தடிமனாக இருக்கும் கேஸ் கொண்டிருந்தாலும், இந்த சார்ஜர் ஸ்மார்ட்போன்களை எளிதில் சார்ஜ் செய்யும். ஸ்மார்ட்போனில் சார்ஜ் ஆகும் விவரம் சார்ஜிங் பேடில் இருக்கும் ரிங் எல்இடி-யில் பார்த்து தெரிந்து கொள்ள முடியும்.


இந்த சார்ஜரில் மொத்தம் 5 வாட், 7.5 வாட் மற்றும் 10 வாட் என மூன்றுவித அவுட்புட்கள் உள்ளன. ஐபோன் 8 துவங்கி ஐபோன் 12 வரையிலான மாடல்களை 7.5 வாட் திறன் கொண்டு சார்ஜ் செய்யும். இதுதவிர Qi வசதி கொண்ட பெரும்பான்மை ஆண்ட்ராய்டு ஸ்மார்ட்போன்களை 10 வாட் திறனில் சார்ஜ் செய்கிறது.


இந்தியாவில் புதிய ஸ்டப்கூல் WC310 விலை ரூ. 1999 ஆகும். எனினும், அமேசான் தளத்தில் அறிமுக சலுகையாக இது ரூ. 849 விலையில் விற்பனை செய்யப்பட்டு வருகிறது.