சர்வதேச அளவில் அதிக வேலைவாய்ப்பை பெற்றுத் தரும் உயர்கல்வி நிறுவனங்களை கொண்டுள்ள நாடுகளின் பட்டியலில் இந்தியா

டைம்ஸ் உயர்கல்வி (THE) மற்றும் பிரெஞ்ச் கன்சல்டன்சி இணைந்து உயர்கல்வி மூலம் அதிக வேலைவாய்ப்பு பெற்றுத் தரும் நாடுகள் பற்றி ஆய்வு செய்தன. 

அதில் உலகின் பல்வேறு நாடுகளும் இளைஞர்களுக்கு வேலைவாய்ப்பை பெற்றுத் தருவதில் கடந்த 10 ஆண்டுகளில் மிகத் தீவிரமாக முயற்சி செய்து ஏற்றம் கண்டிருப்பது தெரியவந்துள்ளது. குறிப்பாக அமெரிக்கா, இங்கிலாந்து ஆகிய நாடுகளுடன் போட்டியிடும் வகையில் பிற நாடுகள் முன்னேறிக் கொண்டிருக்கின்றன.

ஆதிக்கம் செலுத்தும் அமெரிக்கா

  இருப்பினும் முதல் மூன்று இடங்களில் அமெரிக்காவின் பல்கலைக்கழகங்களே தொடர்ந்து ஆதிக்கம் செலுத்தி வருகின்றன. முதலிடத்தில் கலிபோர்னியா இன்ஸ்டிடியூட் ஆப் டெக்னாலஜி, இரண்டாமிடத்தில் மாசசூசெட்ஸ் இன்ஸ்டிடியூட் ஆப் டெக்னாலஜி, மூன்றாமிடத்தில் ஹார்வர்ட் பல்கலைக்கழகம் ஆகியவை இடம்பெற்றுள்ளன. அதேசமயம் கடந்த 10 ஆண்டுகளில் அமெரிக்காவின் ஸ்கோர் 51 சதவீதம் குறைந்திருக்கிறது.

சரிவைக் கண்ட இங்கிலாந்து

அதாவது 2010ல் 4,227ஆக இருந்து 2020ல் 2,067ஆக சரிந்துள்ளது. இதேபோல் இங்கிலாந்தில் உள்ள தலைசிறந்த பல்கலைக்கழங்களும் சர்வதேச ஸ்கோரில் சரிவைக் கண்டுள்ளன. 2010ல் 2வது இடத்தில் இருந்து 2020ல் 4வது இடத்திற்கு இறங்கியுள்ளது. இங்கிலாந்தின் ஸ்கோர் கடந்த 10 ஆண்டுகளில் 46 சதவீதம் சரிவைக் கண்டுள்ளது. ஆனால் சீனாவின் ஸ்கோர் 132 சதவீதம் ஏற்றம் அடைந்துள்ளது.
ஆச்சரியப்படுத்திய சீனா



கடந்த 10 ஆண்டுகளில் ஜெர்மனி, சீனா, தென் கொரியா ஆகிய நாடுகளுடன் இந்தியாவும் உயர்கல்வி மூலம் இளைஞர்களுக்கு வேலைவாய்ப்பு பெற்றுத் தருவதில் சிறந்த நாடாக திகழ்ந்து வருகிறது. உலகின் டாப் 250 பல்கலைக்கழகங்களில் இந்தியாவின் இடம் பெரிதும் முன்னேற்றம் கண்டிருக்கிறது. அதாவது 8 இடங்கள் முன்னேறி இந்தியா தற்போது 15வது இடத்தில் இருக்கிறது. சிறந்த டாப் பல்கலைக்கழகங்களின் பட்டியலில் 2019ஆம் ஆண்டு 4ஆக இருந்த எண்ணிக்கை 2020ல் 6ஆக அதிகரித்துள்ளது.



இரவு நேர ஊரடங்கு: வெளியானது முக்கிய அறிவிப்பு!
கெத்து காட்டும் ஐஐடி




அதில் கவனிக்கத்தக்க கல்வி நிறுவனமாக ஐஐடி டெல்லி இருக்கிறது. இது 2014ல் 149வது இடத்தில் இருந்த நிலையில், 2020ல் 27வது இடத்திற்கு முன்னேற்றம் அடைந்துள்ளது. தற்போதைய கொரோனா காலகட்டம் வேலைவாய்ப்பிற்கு பெரும் இடையூறாக இருக்கிறது. பட்டதாரிகளுக்கு வேலை கிடைக்கும் சூழலை மிகவும் கடினமாக்கியுள்ளது. பல்கலைக்கழகங்கள் தரமானதாக, மிகவும் சிறப்பான கல்வியை வழங்குகிறதா என்பதை விட, வேலைவாய்ப்பை அளிக்கிறதா என்பதில் தான் மாணவர்களும், ஆசிரியர்களும் அதிக கவனம் செலுத்துகின்றனர்.
டாப் 15 லிஸ்ட் இதோ




சர்வதேச அளவில் அதிகளவில் வேலைவாய்ப்பை ஏற்படுத்தி தரும் டாப் 15 இடங்களைப் பிடித்த நாடுகளின் பட்டியல் நமக்கு கிடைத்துள்ளது. அதில் அமெரிக்கா முதலிடத்தில் உள்ளது. இதற்கடுத்து பிரான்ஸ், ஜெர்மனி, இங்கிலாந்து, சீனா, ஆஸ்திரேலியா, கனடா, சுவிட்சர்லாந்து, தென் கொரியா, ஜப்பான், நெதர்லாந்து, ஸ்பெயின், ஸ்வீடன், ஹாங்காங், இந்தியா ஆகிய நாடுகள் இருக்கின்றன